రాష్ట్రంపై రెండో దశ కరోనా తన పంజా విసురుతోంది. రోజురోజుకు కేసులు పెరుగుతుండటం వల్ల ఆక్సిజన్ సరఫరా సమస్య ఏర్పడుతోంది. కొన్ని ప్రాంతాల్లో కరోనా కిట్ల కొరతతో నిర్ధరణ పరీక్షలు నిలిపివేస్తున్నారు. ఫలితంగా వైరస్ వ్యాప్తి మరింత వేగంగా పుంజుకుంటోంది.
ఈ సమస్య పరిష్కారానికి పలువురు దాతలు ముందుకొస్తున్నారు. జగిత్యాల జిల్లా కోరుట్ల ఎమ్మెల్యే కల్వకుంట్ల విద్యాసాగర్ రావు తనయుడు కల్వకుంట్ల సంజయ్.. మెట్పల్లి ఆస్పత్రికి తన సొంత డబ్బుతో ఆరు ఆక్సిజన్ సిలిండర్లు, 500 కరోనా పరీక్ష కిట్లను అందజేశారు. ప్రజలంతా స్వీయ నియంత్రణ పాటించి కరోనా మహమ్మారిని తరిమికొట్టాలని సూచించారు.
