తెరాసకు ప్రజా తిరస్కరణ తప్పదు: ఎంపీ సంజయ్

తెరాసకు ప్రజా తిరస్కరణ తప్పదని పార్లమెంట్ సభ్యుడు బండి సంజయ్ తెలిపారు. జగిత్యాల జిల్లాలో వివిధ పార్టీలకు చెందిన పలువురు సంజయ్ నేతృత్వంలో భాజపాలో చేరారు.

జగిత్యాల జిల్లా కొడిమ్యాల మండల కేంద్రంలో కరీంనగర్​ ఎంపీ బండి సంజయ్​​ ఆధ్వర్యంలో వివిధ పార్టీలకు చెందిన పలువురు నాయకులు, కార్యకర్తలు భాజపాలో చేరారు. బండి సంజయ్​ వారికి పార్టీ కండువాలు కప్పి ఆహ్వానించారు. రాష్ట్ర ప్రభుత్వం గ్రానైట్ నిధులను పేదలకు పంపిణీ చేయకుండా కాలయాపన చేస్తోందని ఆయన విమర్శించారు. కేసీఆర్, కేటీఆర్​ల తీరుపై ఆయన మండిపడ్డారు. గ్రానైట్, కాళేశ్వరం, కరెంట్ కుంభకోణాలు బయట పెట్టి, టీఆర్​ఎస్​ ప్రభుత్వాన్ని ప్రజలు తిరస్కరించేలా చేస్తానని ఆయన పేర్కొన్నారు.

ఇవీ చూడండి: ఊహల పల్లకీలో... దసరాలోపే మంత్రివర్గ విస్తరణ!