గురు పౌర్ణమి వేడుకలు జగిత్యాల జిల్లాలో ఘనంగా జరిగాయి. జిల్లాలోని మెట్పల్లిలో శ్రీ మురళీకృష్ణ ఆలయంలో సుందర సత్సంగ్ వారి ఆధ్వర్యంలో గురుపౌర్ణమి వేడుకలు భక్తిశ్రద్ధలతో నిర్వహించారు. తెల్లవారుజామున మురళీ కృష్ణునికి ఆలయ అర్చకులు పంచామృతాలతో అభిషేకాలు నిర్వహించి వివిధ రకాల పుష్పాలతో అందంగా అలంకరించారు.
అనంతరం స్వామి సుందర చైతన్యానంద విగ్రహానికి పూజ ఉత్సవాలను నిర్వహించారు. ఈ సందర్భంగా భక్తులు భక్తిశ్రద్ధలతో స్వామి వారి భజన కార్యక్రమాలను నిర్వహించారు. ఆలయ నిర్వాహకులు గురుపూజ విశిష్టతను భక్తులకు వివరించారు.
