సీఎం కేసీఆర్ జన్మదినాన్ని పురస్కరించుకుని ఓ అభిమాని అందరికంటే భిన్నంగా శుభాకాంక్షలు తెలిపారు. కేవలం గంట వ్యవధిలోనే ముఖ్యమంత్రి సైకత శిల్పాన్ని రూపొందించి తన ప్రత్యేక కళను ప్రదర్శించాడు. జగిత్యాల జిల్లా గొల్లపల్లి మండలం రాఘవపట్నం గ్రామానికి చెందిన ప్రభుత్వ ఉపాధ్యాయుడు గాలిపెల్లి చోళేశ్వర్ సీఎం ప్రతిమను అందంగా తీర్చిదిద్దాడు.
తన ఇంటి ఆవరణలో గంట వ్యవధిలో శిల్పాన్ని తయారు చేసి ఔరా అనిపించాడు. అందంగా తయారు చేసిన ఈ శిల్పం ప్రత్యేక ఆకర్షణగా నిలిచింది. అతను వేములవాడ మైనార్టీ గురుకుల పాఠశాలలో ఉపాధ్యాయుడిగా పని చేస్తున్నారు. వినూత్న ఆలోచనతో సీఎం కేసీఆర్‌కు చోళేశ్వర్ జన్మదిన శుభాకాంక్షలు తెలిపి తన అభిమానాన్ని చాటుకున్నాడు.
