మెట్​పల్లిలో పదో తరగతి విద్యార్థులకు మాస్క్​ల పంపిణీ

మెట్‌పల్లిలో కరోనా వైరస్​పై పదో తరగతి విద్యార్థులకు అవగాహన కల్పించారు. మాస్క్​లను ఉచితంగా పంపిణీ చేశారు. బయటకు వెళ్లే సమయంలో మాస్క్​లు తప్పకుండా ధరించాలని సూచించారు.

జగిత్యాల జిల్లా మెట్​పల్లిలో లయన్స్ క్లబ్ ఆధ్వర్యంలో కొవిడ్​-19పై విద్యార్థులకు అవగాహన కల్పించారు. పట్టణంలోని బాలుర ఉన్నత పాఠశాల వద్ద పదో తరగతి పరీక్షలు రాసిన విద్యార్థులకు మాస్క్​లను ఉచితంగా పంపిణీ చేశారు.

ప్రతి విద్యార్థి బయటకు వెళ్లే సమయంలో తప్పకుండా మాస్క్​ ధరించాలని సూచించారు. అలాగే ఇంటికి వచ్చినప్పుడు చేతులు శుభ్రంగా కడుక్కోవాలన్నారు. అత్యవసర సమయంలో మాత్రమే బయట కు వెళ్లాలని పేర్కొన్నారు.

ఇదీ చూడండి: సరిహద్దుల మూసివేతతో కిలోమీటర్ల కొద్దీ ట్రాఫిక్​ జాం