వీధులను శుభ్రంచేసి పట్టణాన్ని పరిశుభ్రంగా ఉంచుతూ ప్రతి ఒక్కరికి సంపూర్ణ ఆరోగ్యం అందిస్తున్న పారిశుద్ధ్య కార్మికుల సేవలు అభినందనీయమని మెట్పల్లి మున్సిపల్ కమిషనర్ జగదీశ్వర్ గౌడ్ అన్నారు. జగిత్యాల జిల్లా మెట్పల్లి మున్సిపల్ కార్యాలయంలో పరిశుభ్రత కోసం తీవ్ర కృషి చేస్తున్న పారిశుద్ధ్య కార్మికులను ఆయన అభినందించారు.
పారిశుద్ధ్య కార్మికులైన అరవ ఉమ, బూరం భానుచందర్, డబ్బా రాజ్కుమార్లకు ప్రశంసా పత్రాలను కమిషనర్ జగదీశ్వర్ గౌడ్ అందజేశారు. కార్మికులకు వార్డుల్లో ప్రజలు కూడా సహకరించాలని సూచించారు.
ఇవీ చూడండి: మాస్కు నొప్పి మటుమాయం.. సూర్యాపేట యువకుడి ఉపాయం
