జగిత్యాల జిల్లాలో బ్యాంకు ఉద్యోగుల సమ్మె.. ప్రజల ఇబ్బందులు

జగిత్యాలలో బ్యాంకు ఉద్యోగుల సమ్మెతో ప్రజలు ఇబ్బందులు పడుతున్నారు. మొత్తం జిల్లావ్యాప్తంగా 250 మందికిపైగా ఉద్యోగులు ఈ సమ్మెలో పాల్గొన్నారు.

జగిత్యాల జిల్లాలో ప్రభుత్వ రంగ బ్యాంకుల సమ్మెతో బ్యాంకు సేవలు నిలిచిపోయాయి. జిల్లా వ్యాప్తంగా 50కిపైగా బ్యాంకులు మూతపడగా... 250 మందికి పైగా ఉద్యోగులు సమ్మెలో పాల్గొన్నారు. అధికారులు మొండివైఖరి వీడి తమ సమస్యలు పరిష్కరించాలని ఉద్యోగులు డిమాండ్ చేశారు. ఈ సమ్మెతో ఖాతా దారులు ఇబ్బంది పడుతున్నారు. అత్యవసరం కోసం కేవలం డిపాజిట్ మిషన్​లు మాత్రమే ఉపయోగిస్తున్నారు.

జగిత్యాలలో ప్రైవేట్ బ్యాంకులు మాత్రం పని చేస్తున్నాయి. రేపు కూడా సమ్మె కొనసాగనుండగా.. ఆదివారం సెలవుదినం కావడం వల్ల సోమవారం బ్యాంకు సేవలు కొనసాగుతాయి.

ఇవీ చూడండి: రాయితీల కోసం.. బయో మోసం..