తెలంగాణ రాష్ట్ర రోడ్డు రవాణా సంస్థకు చెందిన గ్రేటర్‌ హైదరాబాద్‌ జోన్‌లో మొత్తం బస్సులు 2850 ఉన్నాయి. నగరంలో ఇప్పటికే అద్దె బస్సుల సేవలను అందుబాటులోకి గ్రేటర్‌ జోన్‌ అధికారులు తెచ్చారు. కొన్ని ప్రైవేటు పరిశ్రమలతోపాటు సంస్థలకు బస్సులను నడుపుతున్నారు. ప్రయాణికులకు మాత్రం బస్సులు అందుబాటులో లేవు. బెంగళూరులో ఆర్టీసీ సేవలు ప్రారంభమైన వేళ.. ఇక్కడా ప్రభుత్వ ఆదేశాల కోసం చూస్తున్నామని గ్రేటర్‌ హైదరాబాద్‌ ఆర్టీసీ జోన్‌ అధికారులు చెబుతున్నారు. ఎప్పుడు ప్రభుత్వం పచ్చజెండా ఊపితే ఆ క్షణం నుంచే బస్సులను నడిపేందుకు సిద్ధమని టీఎస్ఆర్టీసీ ఈడీలు చెబుతున్నారు.
ఇదీ మొదటి దశ....
ప్రస్తుతం బస్సులన్నీ డిపోలకే పరిమితంకాగా.. వందలాది బస్సులు కరోనా అత్యవసర సేవల్లో పాలుపంచుకుంటున్నాయి. పొరుగు దేశాల నుంచి విమానాల్లో వచ్చిన వారిని క్వారంటైన్‌ సెంటర్లకు పంపించే పనిలో 20 మెట్రో లగ్జరీలు నిమగ్నమయ్యాయి. 12 కార్గో సేవలు కూడా వారి కోసమే కేటాయించారు.
