ఇంట్లో తెలిసిందని

వారిద్దరు ప్రేమికులు... ప్రేమికుల రోజు సందర్భంగా సరదాగా సిద్దిపేట జిల్లాలోని కోమటిచెరువుకు వెళ్లారు. అక్కడ గుర్తు తెలియని వ్యక్తులు వీరి ఫోటోలు, వీడియోలు తీసి సామాజిక మాధ్యమాల్లో పెట్టినందుకు హైదరాబాద్​ ట్యాంక్​బండ్​లో దూకి ఆత్మహత్యాయత్నం చేశారు.

సామాజిక మాధ్యమాల్లో ఫోటో పెట్టినందుకు హైదరాబాద్​ ట్యాంక్​బండ్​లో దూకి ఆత్మహత్యాయత్నం చేశారు

హైదరాబాద్ ట్యాంక్​బండ్​లోకి దూకి ఆత్మహత్యకు యత్నించిన ఓ ప్రేమ జంటను లేక్ పోలీసులు కాపాడారు. గురువారం ఉదయం నీటిలోకి దూకేందుకు ప్రయత్నిస్తుండగా.. లేక్ పోలీసులు కాపాడి పోలీస్ స్టేషన్​కు తరలించారు. ఇద్దరు యువతీ యువకులు ఈనెల 14న వాలంటైన్స్ డే సందర్భంగా సిద్దిపేటలోని కోమటిచెరువుకు వెళ్లారు. అక్కడ గుర్తు తెలియని వ్యక్తులు, తమ ఫోటోలు, వీడియోలు తీసి సామాజిక మాధ్యమాల్లో పెట్టినట్లు ఆవేదన వ్యక్తం చేశారు.

ఈ విషయం కుటుంబ సభ్యులకు తెలుస్తుందనే భయంతోనే ఆత్మహత్య చేసుకోవాలని యత్నించినట్లు పోలీసులు వెల్లడించారు. ఇద్దరికి కౌన్సిలింగ్ నిర్వహించి.. సిద్దిపేట పోలీసులకు అప్పగించినట్లు తెలిపారు.