గాయత్రి పంపుహౌస్​లో బాహుబలి పంపుల వెట్​రన్​

కాళేశ్వరం ప్రాజెక్టు ఎనిమిదో ప్యాకేజీలోని గాయత్రి పంపుహౌజ్​లో రెండు బాహుబలి మోటార్లను అధికారులు ఒకేసారి నడిపి ఎత్తిపోతలను విజయవంతం చేశారు. సాంకేతిక అంశాలను పరిశీలించి వెట్​రన్​ నిర్వహించారు.

కాళేశ్వరం ప్రాజెక్ట్​లో భాగంగా గాయత్రి పంపు​హౌస్ వద్ద 2 బాహుబలి పంపుసెట్లు ఒకేసారి పరీక్షించి 6 వేల క్యూసెక్కుల నీటిని ఎత్తిపోశారు. కరీంనగర్ జిల్లా రామడుగు మండలం లక్ష్మీపూర్ వద్ద గల గాయత్రీ పంపుహౌస్​లో రెండు పంపులను ఒకేసారి నడిపించి సాంకేతిక అవరోధాలను అధిగమించారు. నంది మేడారం పంప్ హౌస్ నుంచి 6 వేల క్యూసెక్కుల నీటిని విడుదల చేయటంతో పాటు అంతే మొత్తం నీటిని సుమారు మూడు గంటలపాటు ఎత్తిపోతలను కొనసాగించారు.

ఇవీ చూడండి: ఇంటర్‌ విద్యార్థుల ఆత్మహత్యలపై స్పందించిన రాష్ట్రపతి