'హాజీపూర్​ బాధితులను ఆదుకోకుంటే దీక్ష చేస్తా'

సీఎం కేసీఆర్​కు ఓటేసిన ప్రజలకు ఏం మంచి చేశారని ప్రశ్నించారు కాంగ్రెస్​ సీనియర్​ నేత వీహెచ్​. హాజీపూర్​లో అమాయకపు అమ్మాయిలపై దారుణం జరిగితే ఆ కుటుంబాలను పరామర్శించే తీరిక ఈ ముఖ్యమంత్రికి లేదని ఎద్దేవా చేశారు. బాధితులకు న్యాయం చేయకుంటే గ్రామంలో దీక్ష చేస్తానని ప్రభుత్వాన్ని హెచ్చరించారు.

ముఖ్యమంత్రి కేసీఆర్​కు పర్యటనలపై ఉన్న శ్రద్ధ ప్రజా సమస్యలను పట్టించుకోవడంలో లేదని కాంగ్రెస్​ సీనియర్​ నేత హనుమంతరావు విమర్శించారు. హాజీపూర్​లో అమాయకపు అమ్మాయిలపై హత్యాచారం చేసిన నిందితుడిపై చర్యలు తీసుకోవడం లేదని హైదరాబాద్​ గాంధీభవన్​లో ఆరోపించారు. బాధితులను పరామర్శించే తీరిక కూడా ఈ సీఎంకు లేదని ఎద్దేవా చేశారు. తన పార్టీ కార్యకర్త చనిపోతే అతని పాడె మోసిన స్మృతి ఇరానీని చూసి బుద్ధి తెచ్చుకోవాలని అన్నారు. వెంటనే హాజీపూర్​ బాధితులను ఆదుకోకపోతే తాను మరోసారి ఆ గ్రామానికి వెళ్లి దీక్ష చేస్తానని హెచ్చరించారు.

ఇదీ చూడండి : 'ఓటమికి బాధ్యుల్లో ఆ ముగ్గురే కీలకం'