స్వేచ్ఛగా, పారదర్శకంగా గ్రేటర్‌ ఎన్నికలు నిర్వహించేందుకు చర్యలు తీసుకోవాలని రాష్ట్ర ఎన్నికల కమిషనర్ పార్థసారథిని కోరినట్లు పీసీసీ అధ్యక్షుడు ఉత్తమ్కుమార్ రెడ్డి చెప్పారు. పీసీసీ అధ్యక్షుడు ఉత్తమ్ కుమార్ రెడ్డి, ఎమ్మెల్సీ జీవన్ రెడ్డి, నగర అధ్యక్షుడు అంజన్ కుమార్ యాదవ్, పీసీసీ ఎన్నికల సమన్వయ కమిటీ కన్వీనర్‌ జి.నిరంజన్‌లు పార్థసారథిని కలిసి తెరాసపై ఫిర్యాదు చేశారు.
ప్రభుత్వ రంగ ఆస్తులైన.. మెట్రో రైలు పిల్లర్లు, ఆర్టీసీ బస్సులు, లావిట్రిన్స్‌పై ప్రభుత్వ పథకాలు ప్రచారం చేస్తున్నారని ఎన్నికల సంఘం దృష్టికి తీసుకెళ్లినట్లు ఆయన తెలిపారు.
హైదరాబాద్ నగరాభివృద్ధికి 67వేల కోట్లు ఖర్చు చేసినట్లు తెరాస చెబుతోంది.. ఎక్కడ ఖర్చు చేశారో చెప్పాలి? ఆ నిధులు ఎవరి జేబులోకి వెళ్లాయి? నేను హైదరాబాద్ పాతబస్తీలో పుట్టి పెరిగాను. కుల, మతాలకు అతీతంగా ప్రజలు శాంతియుతంగా ఉండాలని కోరుకుంటున్నా... అవినీతి, అసమర్థ పార్టీ తెరాస. మతతత్వ పార్టీలైన భాజపా, ఎంఐఎంలను ఓడించాలి. మత సామరస్య పార్టీ, హైదరాబాద్‌ను అన్ని రకాలుగా అభివృద్ధి చేసిన పార్టీ కాంగ్రెస్‌నే గెలిపించుకుందాం. - పీసీసీ చీఫ్ ఉత్తమ్కుమార్రెడ్డి
ఇవీ చూడండి: మంత్రి కేటీఆర్తో యాంకర్ సుమ భేటీ... ఎందుకంటే...?
