US Visa Application Center at Hitech City: హైదరాబాద్‌లోని అమెరికా వీసా దరఖాస్తు కేంద్రం చిరునామా మారింది. హైటెక్‌ సిటీ మెట్రో స్టేషన్‌లో ఆ కార్యాలయాన్ని అమెరికా ప్రభుత్వం ఏర్పాటు చేసింది. ముందస్తుగా తీసుకున్న అపాయింట్‌మెంట్‌ (వేలిముద్రల కోసం), వీసా దరఖాస్తు పత్రాల సమర్పణ, ఇంటర్వ్యూ తరవాత పాస్‌పోర్టు తీసుకోవడం తదితర సేవలు అందించే హైదరాబాద్‌ వీసా అప్లికేషన్‌ సెంటర్‌ను హైటెక్‌ సిటీ మెట్రో స్టేషన్‌లోని ప్రాంగణంలో(లోయర్‌ కాన్కోర్స్‌) ఏర్పాటు చేశారు. ప్రస్తుతం ఈ కార్యాలయం బేగంపేటలోని కాన్సులేట్ సమీపంలోని గౌరా గ్రాండ్‌ భవన్‌లో ఉంది. ఆదివారం నుంచి హైటెక్‌ సిటీ మెట్రో స్టేషన్‌లోకి మారింది. నేటి నుంచి ఈ కేంద్రం అందుబాటులోకి వచ్చింది.
వీసాకు ముందు డాక్యుమెంటేషన్ వద్ద బయోమెట్రిక్స్, డ్రాప్ బాక్స్ సేవలు తర్వాత ఇంటర్వ్యూ ఫార్మాలిటీలతో సేవలు అందుబాటులో ఉన్నాయి. నానక్రామ్గూడలోని నూతన క్యాంపస్కు యూఎస్ కాన్సులేట్ను మార్చాలనే ప్రణాళికలో భాగంగా ఈ కేంద్రం మార్చబడింది. నేటి నుంచి అపాయింట్‌మెంట్‌లు, పత్రాల సమర్పణ, పాస్‌పోర్టు సేకరణ కోసం వీసా దరఖాస్తు కేంద్రాన్ని సందర్శించే దరఖాస్తుదారులందరూ కొత్త లొకేషన్కు మార్చిన కార్యాలయాన్ని సందర్శించవలిసిందిగా అధికారులు తెలిపారు.
గత ఏడాది చివరలో కార్యకలాపాలు నానక్రామ్గూడ కార్యాలయానికి మారినప్పటికీ, మెట్రోలో కొత్త సౌకర్యం ప్రీ-వీసా సేవలను అందించడం కొనసాగుతుందని తెలిసింది. స్థల రద్దీని తగ్గించేందుకు షిఫ్ట్‌ని చేపట్టారు. బేగంపేటలోని కార్యాలయం వద్ద ట్రాఫిక్ రద్దీ, పార్కింగ్ సమస్యల అభ్యర్థులు ఇబ్బందులు పడేవారు. ఇప్పుడు కొత్తప్రదేశంలో మెట్రో మాల్ వద్ద పార్కింగ్ అందుబాటులో ఉంది. దాని ట్రాఫిక్ సమస్య నుంచి బయటపడే అవకాశం ఉంది. నానక్రామ్గూడలోని ఏర్పాటు చేస్తున్న కొత్త క్యాంపస్ జూన్ నాటికి అందుబాటులోకి రావచ్చు. ఇది 55 వీసా ప్రాసెసింగ్ విండోలను కలిగి ఉంటుంది. ఆసియాలోనే అతిపెద్ద క్యాంపస్గా నిలవనుంది.
ఇవీ చదవండి:
