తెలంగాణలో మరో రెండు కొత్త మండలాలు ఏర్పాటయ్యాయి. మహబూబ్నగర్ జిల్లాలో మహమ్మదాబాద్, వికారాబాద్ జిల్లాలో చౌడాపూర్ పేరిట కొత్తగా మండలాలను ప్రభుత్వం ఏర్పాటు చేసింది. గండీడ్ మండలంలోని పది గ్రామాలతో మహమ్మదాబాద్ మండలం ఏర్పాటైంది. మహమ్మదాబాద్, సంగాయిపల్లి, అన్నరెడ్డిపల్లి, ముకర్లబాద్, లింగాయిపల్లి, మంగంపేట, చౌదర్పల్లి, గండిర్యాల, నంచెర్ల, జూలపల్లి గ్రామాలు ఈ మండలంలో ఉంటాయి.
వికారాబాద్ జిల్లా కుల్కచర్ల మండలంలోని ఏడు, మహబూబ్నగర్ జిల్లా నవాబ్పేట మండలంలోని మరో ఏడు గ్రామాలతో చౌడాపూర్ పేరిట కొత్త మండలాన్ని ఏర్పాటు చేశారు. చౌడాపూర్, మండిపాల్, వీరాపూర్, విఠలాపూర్, మక్త వెంకటాపూర్, అడవి వెంకటాపూర్, లింగంపల్లి, కొత్తపల్లి, పురుసంపల్లి, మల్కాపూర్, మరికల్, కన్మన్కాల్వ, మొగిల్లపల్లి, చాకల్పల్లి గ్రామాలు ఈ మండలంలో ఉంటాయి. ఈ మండలం వికారాబాద్ రెవెన్యూ డివిజన్లో ఉంటుంది.
ఇదీ చూడండి: నిబంధనలు ఉల్లంఘిస్తే.. చట్టపరమైన చర్యలు: ఎస్ఈసీ
