'అమ్మ అడిగితేనే పెడుతుంది.. నాన్న అడగకుండానే సమస్యను తీర్చాడు'

టీఎస్​ఆర్టీసీలో సంచార సౌచాలయాలు ఏర్పాటు చేయడం మహిళలకు పెద్ద వరమని మహిళా ఉద్యోగులు చెబుతున్నారు. నీళ్లు తాగకుండా ఉన్న రోజులు ఉండేవని... కేసీఆర్​ మా సమస్యలను అడగకుండానే ఓ తండ్రిలా తీర్చారని హర్షం వ్యక్తం చేశారు.

ఆర్టీసీ మహిళా ఉద్యోగులు విధులు మారేచోటు శౌచాలయాలు అనేవి లేవు. దాని వల్ల అనేక ఇబ్బందులు ఎదుర్కొమన్నామని మహిళా ఉద్యోగులు చెబుతున్నారు. ప్రతి డిపోలో 60 నుంచి 70 మహిళలు ఉంటారని తెలిపారు. వాష్​రూమ్స్​ కోసం ఎవరో ఇంట్లోకి వెళ్లి వారిని బతిమిలాడుకునే పరిస్థితులుండేవని ఆవేదన వ్యక్తం చేశారు. అమ్మ అడుగితేనే పెడుతుంది... కానీ నాన్నని అడగకుండానే మా సమస్యలు ఇవాళ తీర్చారని కేసీఆర్​ను ఉద్దేశించి భావోద్వేగమయ్యింది ఓ మహిళ ఉద్యోగి. దేవుడిలా మహిళా కండక్టర్ల సమస్యలు తీర్చాడని కొనియాడారు.

మహిళలకు ఇదో పెద్ద వరం... కేసీఆర్​ సార్​కు చాలా ధన్యవాదాలు.... వాటర్​ తాగకుండా విధులు మేం నిర్వర్తించేవాళ్లం... దానితో ఎన్నో ఆరోగ్య సమస్యలు వచ్చేవి... మాకు అడగకుండా అన్నం పెట్టిన కేసీఆర్​ సార్​కు దండాలు.... ఓ మహిళా ఉద్యోగి ఆవేదన

చాలా మందికి యూరిన్​లో స్టోన్స్​ వచ్చేవి... డిపో నుంచి పోయి... డిపోకు వచ్చే వరకు నీళ్లు తాగకుండా ఉండేవాళ్లం... మరో మహిళా ఉద్యోగి ఆవేదన

ఇవీ చూడండి.. 'కనేరియా హిందువని వివక్ష చూపారు'