ఉద్యోగులకు 30 శాతం పీఆర్సీతో పాటు పదవీ విరమణ వయస్సును పెంచడంపై ముఖ్యమంత్రి కేసీఆర్కు ఎడ్యుకేషన్ వెల్ఫేర్ ఇన్ఫ్రాస్ట్రక్చర్ డెవలప్మెంట్ కార్పొరేషన్ ఛైర్మన్ నాగేందర్ గౌడ్ కృతజ్ఞతలు తెలిపారు. బషీర్బాగ్లోని రాజీవ్ విద్యా మిషన్ కార్యాలయంలో ఆ సంస్థ ఉద్యోగులు ఏర్పాటు చేసిన కార్యక్రమంలో ఆయన పాల్గొన్నారు. ఉద్యోగులతో కలిసి ముఖ్యమంత్రి కేసీఆర్ చిత్రపటానికి పాలాభిషేకం చేశారు.
తమది ఫ్రెండ్లీ ప్రభుత్వమని మరోసారి ముఖ్యమంత్రి కేసీఆర్ నిరూపించారన్నారు. ఈ నిర్ణయంతో ప్రతిపక్షాలు నోళ్లు మూయించారని... ఇలాంటి అభివృద్ధి పనులు జాతీయ పార్టీలైన భాజపా, కాంగ్రెస్ పాలిత రాష్ట్రాల్లో చేసి చూపించాలని సవాల్ విసిరారు. త్వరలోనే నిరుద్యోగ భృతి, ఉద్యోగుల భర్తీ ప్రక్రియను కూడా పూర్తి చేస్తారని ఆశాభావం వ్యక్తం చేశారు.
