పీవీకి నివాళులర్పించిన పలు దేశాల ఎన్నారైలు

ప్రపంచవ్యాప్తంగా పీవీ శతజయంతి వేడుకలు ఘనంగా నిర్వహించారు. పీవీకి ప్రవాస భారతీయులు నివాళులర్పించారు. ఏడాదిపాటు ఉత్సవాలు నిర్వహిస్తున్నందుకు సీఎం కేసీఆర్​కు కృతజ్ఞతలు తెలిపారు.

ప్రపంచ వ్యాప్తంగా వివిధ దేశాల్లో మాజీ ప్రధాని పీవీ.నరసింహారావు శత జయంతి వేడుకలు ఘనంగా నిర్వహించారు. మాల్టా, స్వీడన్​లో, ఒమాన్​లో, అమెరికాలోని బోస్టన్​లో, లండన్​లో, ఆస్ట్రియా తెలుగు అసోసియేషన్ ఆధ్వర్యంలో వేడుకలు నిర్వహించారు. ప్రపంచవ్యాప్తంగా పీవీని గౌరవించేలా 50 దేశాల్లో ఏడాదిపాటు శతజయంతి ఉత్సవాలు నిర్వహిస్తున్న సీఎం కేసీఆర్​కు ఎన్.ఆర్.ఐలు ప్రత్యేక కృతజ్ఞతలు తెలిపారు.

స్వీడన్​లో..

అపర చాణుక్యుడు, బహుముఖ ప్రజ్ఞాశాలి, తెలుగు బిడ్డ పీవీ నరసింహారావు శతజయంతి ఉత్సవాలు స్వీడన్​లో సంబురంగా నిర్వహించారు. ఈ సందర్భంగా స్వీడన్ తెలుగు అసోసియేషన్ సభ్యులతో కలిసి తెలుగు వారంతా ఆ మహనీయునికి ఘనంగా నివాళులు అర్పించారు. ఆస్ట్రియా తెలుగు అసోసియేషన్ తరపున వంశీరెడ్డి ఆధ్వర్యంలో పీవీ శతజయంతి ఉత్సవాలు నిర్వహించారు. ఒమాన్​లో తెలంగాణ ఎన్నారై సెల్ ఒమాన్ శాఖ, తెలంగాణ జాగృతి ఒమాన్ శాఖలు సంయుక్తంగా పీవీ నర్సింహారావు శాతాబ్ది ఉత్సవాలు నిర్వహించారు.

లండన్​లో పీవీ..

అమెరికాలోని బోస్టన్ నగరంలో పలువురు ఎన్నారైలు పీవీకి నివాళులు అర్పించారు. తెలంగాణ జాగృతి యూనైటెడ్​ కింగ్డమ్ ఆధ్వర్యంలో పీవీ జయంతిని జరిపారు. తెలంగాణ జాగృతి బహ్రెయిన్ ఆధ్వర్యంలో, లండన్​లో పీవీ జయంతి ఉత్సవాలు జరిపారు. లండన్​లో జరిగిన పీవీ జయంతి ఉత్సవాల్లో లోక్​సత్తా వ్యవస్థాపకులు జయప్రకాశ్ నారాయణ్, వాణిదేవి, మహేష్ బిగాల, లండన్ ఎంపీలు పాల్గొన్నారు. యూకే, అమెరికా, కెనడా, ఆస్ట్రేలియా, ఐర్లాండ్, జర్మనీ, దుబాయ్, వివిధ దేశాల నుంచి శాస్త్రవేత్తలు, బారిస్టర్​లు, డాక్టర్​లు, విద్యావేత్తలు, సాఫ్ట్ వీర్ నిపుణులు, భారత సంతతి యూకే రాజకీయ ప్రతినిధులు, తెలంగాణ, తెలుగు సంఘాల ప్రతినిధులు 9 టీడీఫ్, జాగృతి, యుక్త , తాల్, తార, ఇలా వివిధ రంగాలకు చెందిన 130 మంది ఎన్నారైలు పాల్గొన్నారు. ప్రసంగాల అనంతరం జయప్రకాశ్, వాణిదేవిలతో ప్రశ్నోత్తరాల కార్యక్రమం నిర్వహించారు.

ఇదీ చూడండి : ప్రత్యేక ప్రణాళిక రూపొందించండి.. కేంద్ర బృందం సూచన