కేసీఆర్​ తీరుపై గవర్నర్​కు కాంగ్రెస్​ నేతల ఫిర్యాదు

వీరప్పమొయిలీ నేతృత్వంలో కాంగ్రెస్ ​నేతలు కేసీఆర్ తీరుపై గవర్నర్ నరసింహన్​కు ఫిర్యాదు చేశారు. పార్టీ ఫిరాయింపులను ప్రోత్సహిస్తున్న గులాబీ అధిపతి​పై చర్యలు తీసుకోవాలని... ఫిరాయింపులకు పాల్పడిన ఎమ్మెల్యేలపై అనర్హత వేటు పడేలా స్పీకర్​కు ఆదేశాలు ఇవ్వాలని కోరారు.

తెలంగాణ రాష్ట్రంలో జరుగుతున్న పార్టీ ఫిరాయింపులపై గవర్నర్ నరసింహన్‌కు కాంగ్రెస్ నేతలు ఫిర్యాదు చేశారు. పార్టీ ఫిరాయింపులకు పాల్పడిన ఎమ్మెల్యేలపై అనర్హత వేటు వేసేలా స్పీకర్‌కు తగిన ఆదేశాలు ఇవ్వాలని విజ్ఞప్తి చేశారు. కేంద్ర న్యాయశాఖ మాజీ మంత్రి వీరప్ప మొయిలీ నేతృత్వంలో కాంగ్రెస్ నేతలు ఏడుపేజీల లేఖను అందజేశారు.

ప్రజాధనంతో కేసీఆర్ ఎమ్మెల్యేలను కొనుగోలు చేస్తున్నారని వీరప్ప మొయిలీ ఆరోపించారు. సీఎం పార్టీ ఫిరాయింపులను ప్రోత్సహిస్తున్నారని సీఎల్పీ నేత భట్టి విక్రమార్క మండిపడ్డారు. అసెంబ్లీ ఎన్నికల్లో కాంగ్రెస్​ పార్టీకి 29 శాతం ఓట్లు వచ్చాయని... మా సీట్లను ఎత్తుకెళ్లిపోతారా అనిసీనియర్ నేత జైపాల్​రెడ్డిప్రశ్నించారు. రాష్ట్రంలో ప్రతిపక్షం లేకుండా చేస్తారా... అని ధ్వజమెత్తారు.ఈ ఫిరాయింపుల వ్యవహారంపై న్యాయ పోరాటానికి కూడా కాంగ్రెస్ సిద్ధమైంది.

ఇదీ చూడండి :16 స్థానాల్లో తెరాసకు ఎంఐఎం మద్దతు: అసదుద్దీన్​