అయోధ్య రామమందిర నిర్మాణం విషయంలో తెరాస ఎమ్మెల్యేలు చేస్తున్న వ్యాఖ్యలు.. హిందువుల మనోభావాలను దెబ్బతీసే విధంగా ఉన్నాయంటూ రాష్ట్ర భజరంగ్దళ్, విశ్వహిందూ పరిషత్ కన్వీనర్ సుభాష్ మండిపడ్డారు. నేతల తరఫున సీఎం కేసీఆర్ తక్షణమే వివరణ ఇవ్వాలంటూ డిమాండ్ చేశారు. హైదరాబాద్లో ఏర్పాటు చేసిన ఓ కార్యక్రమంలో ఆయన మాట్లాడారు.
విరాళాల సేకరణపై తెరాస నేతలు మాట్లాడుతున్న తీరు.. ప్రభుత్వ వైఖరికి అద్దం పడుతోందని సుభాష్ విమర్శించారు. రాముడి చరిత్ర తెలుసుకోకుండా ఇష్టానుసారంగా మాట్లాడితే సహించబోమని హెచ్చరించారు.
శ్రీరాముడు అయోధ్యలో జన్మించినందుకే.. దేశవ్యాప్తంగా రాముడి దేవాలయాలు నిర్మితమయ్యాయని సుభాష్ గుర్తుచేశారు. ప్రజలే తెరాసకు బుద్ధి చెబుతారని పేర్కొన్నారు.
ఇదీ చదవండి: బిడ్డలిద్దరూ శివపార్వతులు.. నేను కాళికను
