Temperature in TS: రాష్ట్రంలో భానుడి భగభగలు ఇంకా తగ్గడం లేదు. పలు జిల్లాల్లో అత్యధిక ఉష్ణోగ్రతలు నమోదవుతున్నాయి. ఏదైనా పని నిమిత్తం బయటకు వెళ్లలేక ఇంటికే పరిమితమవుతున్నారు. అత్యవసరం అయితే తప్ప.. ప్రయాణాలకూ దూరంగానే ఉంటున్నారు. తాజాగా కరీంనగర్, పెద్దపల్లి, రాజన్న సిరిసిల్లా, జయశంకర్ భూపాలపల్లి జిల్లాల్లోని పలు మండలాల్లో 45 డిగ్రీల సెల్సియస్ ఉష్ణోగ్రత నమోదైంది.
రాష్ట్రంలో ఉష్ణోగ్రతలు ఇలా..: నల్గొండ జిల్లా కేతేపల్లి, పెద్దావూర మండలాల్లో అత్యధికంగా 45.5డిగ్రీల సెల్సియస్ ఉష్ణోగ్రత నమోదైంది. నల్గొండ జిల్లా దామరచర్ల మండలంలో 45.3.. జగిత్యాల జిల్లా వెలగటూరు, నల్గొండ జిల్లా నిడమనూరు, కరీంనగర్ జిల్లా జమ్మికుంట మండల్లాలో 45.1 డిగ్రీల సెల్సియస్ ఉష్ణోగ్రతలు నమోదయ్యాయి. రాష్ట్రవ్యాప్తంగా పలు జిల్లాల్లో నలభై డిగ్రీలకు పైగా ఉష్ణోగ్రతలు నమోదైనట్లు వాతావరణశాఖ వెల్లడించింది.
ఇదీ చదవండి: ప్రైవేట్ ఆస్పత్రుల్లో అనవసర సిజేరియన్లు అరికట్టండి: హరీశ్ రావు
'పది అర్హత'తో 39 వేల పోస్టులు.. అప్లై చేశారా? ఈరోజే లాస్ట్ డేట్
