మిలియన్ మార్చ్ వీరోచిత పోరాటాన్ని తెలంగాణ సమాజం, ఉద్యమకారులు ఒకసారి గుర్తు చేసుకోవాల్సిన అవసరం ఏర్పడిందని... తెజస హైదరాబాద్ జిల్లా అధ్యక్షుడు నర్సయ్య అన్నారు. పాలకులు అధికారికంగా చేయాల్సిన మిలియన్ మార్చ్ను... కనుమరుగు చేయాలనే కుట్ర చేస్తున్నారని మండిపడ్డారు. దశాబ్ద కాలపు ఉద్యమంలో పాల్గొన్న అందరికీ పేరు పేరునా వందనాలు తెలిపారు.
మిలియన్ మార్చ్ 2021 మార్చి 10వ తేదీతో పదేళ్లు పూర్తి చేసుకున్న సందర్భంగా... పార్టీ ఆధ్వర్యంలో హైదరాబాద్ గన్పార్క్లోని అమరవీరుల స్థూపానికి నివాళులు అర్పించారు. ఆ సమయంలో 50వేల మందిని ఎక్కడికక్కడ పోలీసులు అరెస్టులు చేశారన్నారు. వారి నిర్బంధాన్ని ఛేదించుకుని ట్యాంక్ బండ్ వద్దకు లక్షలాది మంది చేరుకుని మిలియన్ మార్చ్ను విజయవంతం చేశారని ఆయన గుర్తు చేశారు.
ఇదీ చదవండి: విశాఖ ఉక్కు ఉద్యమానికి మద్దతు: కేటీఆర్‌
