తౌక్టే తుపాను ప్రభావం నేడు రాష్ట్రంలోని కొన్ని జిల్లాల్లో ఉండే అవకాశం ఉందని హైదరాబాద్ వాతావరణ కేంద్రం వెల్లడించింది. రాగల మూడు రోజులు ఒకట్రెండు ప్రదేశాల్లో ఉరుములు, మెరుపులో కూడిన వర్షాలు కురుస్తాయని.. ఈ సమయంలో గంటకు 30 నుంచి 40కి.మీ వేగంతో ఈదురుగాలులు వీస్తాయని వాతావరణ కేంద్రం సంచాలకులు ఓ ప్రకటనలో వివరించారు.
తౌక్టే తుపాను ఈ రోజు ఉదయం ఎనిమిదిన్నర గంటలకు గోవాకి పశ్చిమ నైరుతి దిశగా 120కి.మీ.. ముంబాయి దక్షిణ దిశగా 420కి.మీ దూరంలో కేంద్రీకృతమైందని పేర్కొన్నారు. ఇది క్రమంగా బలపడి రాగల 24గంటల్లో ఉత్తర వాయువ్య దిశగా పయనించి, గుజరాత్‌ తీరాన్ని పోరుబందర్, మహువాల మధ్య ఈ నెల 18వ తేదీన ఉదయం తీరాన్ని దాటే అవకాశం ఉందని ఐఎండీ సంచాలకులు తెలిపారు.
ఇదీ చూడండి: 'తౌక్టే' తీవ్ర రూపం- అమిత్ షా సమీక్ష
