'జోరుగా తెరాస సభ్యత్వ నమోదు'

సికింద్రాబాద్​లో తెరాస సభ్యత్వం జోరుగా కోనసాగుతోందని ఉప సభాపతి తీగుల్ల పద్మారావు గౌడ్ తెలిపారు. మెట్టుగూడ డివిజన్​లో నిర్వహించిన తెరాస సభ్యత్వ నమోదు కార్యక్రమంలో పాల్గొన్న ఆయన.. ఇంటింటికి తిరిగి సభ్యత్వం నమోదు చేయించాలని పార్టీ శ్రేణులకు పిలుపునిచ్చారు.

సికింద్రాబాద్ పరిధిలో తెరాస సభ్యత్వ నమోదు జోరుగా కొనసాగుతోందని ఉప సభాపతి తీగుల్ల పద్మారావు గౌడ్ పేర్కొన్నారు. మెట్టుగూడ డివిజన్​లో బుధవారం తెరాస సభ్యత్వ నమోదులో అయన ముఖ్య అతిధిగా పాల్గొన్నారు. డివిజన్​లోని కార్యకర్తలకు సభ్యత్వ రసీదును అందజేశారు.

సికింద్రాబాద్ నియోజకవర్గం తెరాస పార్టీకి కంచు కోటగా నిలుస్తోందని పేర్కొన్న ఆయన.. సభ్యత్వ నమోదు ప్రక్రియను విజయవంతం చేయాలని పార్టీ శ్రేణులకు పిలుపునిచ్చారు.

ఇదీ చదవండి:'మొతేరా' మైదానం పేరు మార్పుపై దుమారం