'దిశ నిందితుల ఎన్​కౌంటర్​ కేసులో బాధితులకు ప్రలోభాలు'

రాష్ట్రంలో సంచలన సృష్టించిన దిశ నిందితుల ఎన్​కౌంటర్​​ కేసులో కీలక పరిణామాలు చోటు చేసుకుంటున్నాయి. వారి కుటుంబసభ్యులను కేసు వెనక్కి తీసుకోవాలంటూ బాధితులను ప్రలోభాలకు గురి చేస్తున్నారని వారి తరఫు న్యాయవాది రజనీ ఆరోపించింది. చెన్న కేశవులు తండ్రి రోడ్డు ప్రమాదంలో చనిపోవడంపై అనుమానాలున్నాయని ఆమె వెల్లడించింది. దీంతో బాధితులు విచారణ కమిషన్​ను ఆశ్రయించారు.

దిశ నిందితుల ఎన్​కౌంటర్​ కేసులో కొత్త విషయాలు వెలుగులోకి వస్తున్నాయి. నిందితుల నుంచి తమకు ప్రాణహాని ఉందంటూ మృతుల కుటుంబసభ్యులు దిశ విచారణ కమిషన్​ను ఆశ్రయించారు. కేసును వెనక్కి తీసుకోవాలంటూ ప్రలోభాలకు గురి చేస్తున్నారని ఆరోపిస్తున్నారు.

చెన్న కేశవులు తండ్రి రోడ్డు ప్రమాదం కేసులో తమకు అనుమానాలున్నాయని న్యాయవాది రజనీ ఆరోపిస్తున్నారు. కేసును వెనక్కి తీసుకుంటే రూ.25 లక్షలు ఇస్తామంటూ ప్రలోభ పెడుతున్నారని అన్నారు. దిశ హత్య కేసులో కీలకమైన విషయాలు బయట పెడతామని న్యాయవాది తెలిపారు.

చెన్న కేశవులు తండ్రి కూర్మయ్యను ఉద్దేశపూర్వకంగానే హత్య చేసినట్లు ఆమె అనుమానం వ్యక్తం చేసింది. లారీ ఓనర్​ శ్రీనివాస్​రెడ్డిపై కుటుంబసభ్యులు అనుమానం వ్యక్తం చేస్తున్నారు. దిశ ఎన్​కౌంటర్​, కూర్మయ్య రోడ్డు ప్రమాదం కేసులో పూర్తి స్థాయి విచారణ జరిపాలని విచారణ కమిషన్​ను ఆశ్రయించారు.

ఇదీ చూడండి : వాహనాలు చోరీ చేస్తున్న ముఠా అరెస్టు