CONGRESS DHARNA: నేడు రాష్ట్రవ్యాప్తంగా ధర్నాలు చేపట్టనున్న కాంగ్రెస్​

CONGRESS DHARNA: కాంగ్రెస్​ పార్టీ నేడు రాష్ట్రవ్యాప్తంగా ధర్నాలకు దిగనుంది. రాహుల్​ గాంధీపై అసోం సీఎం చేసిన అనుచిత వ్యాఖ్యలకు నిరసనగా ఆందోళనలు చేపట్టనుంది. ఈ నిరసన కార్యక్రమాల్లో పలువురు ముఖ్య నాయకులు పాల్గొననున్నారు.

CONGRESS DHARNA: రాహుల్​ గాంధీపై అసోం ముఖ్యమంత్రి హిమంత బిశ్వశర్మ చేసిన అనుచిత వ్యాఖ్యలకు నిరసనగా నేడు కాంగ్రెస్​ పార్టీ ధర్నాలకు దిగనుంది. రాష్ట్రవ్యాప్తంగా ఎస్పీ కార్యాలయాలు, పోలీస్ కమిషనరేట్ల వద్ద ఆందోళనలు చేపట్టనుంది. హిమంత బిశ్వశర్మ అనుచిత వ్యాఖ్యలపై ఇప్పటికే రాష్ట్రవ్యాప్తంగా పలు పోలీస్​స్టేషన్లలో ఫిర్యాదు చేసిన కాంగ్రెస్.. హిమంతపై క్రిమినల్ కేసులు నమోదు చేయనందుకు నిరసనగా ఈ కార్యక్రమానికి పిలుపునిచ్చింది.

ఈ సందర్భంగా హిమంత బిశ్వశర్మ తక్షణమే తన వ్యాఖ్యలను వెనక్కి తీసుకోవాలని కాంగ్రెస్​ పార్టీ డిమాండ్​ చేసింది. ప్రధానమంత్రి నరేంద్ర మోదీ జోక్యం చేసుకుని.. హిమంత బిశ్వశర్మపై చర్యలు తీసుకోవాలని కోరింది. ఇదిలా ఉండగా.. నేటి ధర్నాలో పలువురు ముఖ్య నాయకులు పాల్గొననున్నారు. హైదరాబాద్ పోలీస్ కమిషనరేట్ వద్ద టీపీసీసీ అధ్యక్షుడు రేవంత్​రెడ్డి ధర్నాలో పాల్గొంటారు. రాచకొండ పోలీస్ కమిషనరేట్ వద్ద భువనగిరి ఎంపీ కోమటిరెడ్డి వెంకటరెడ్డి ధర్నాలో పాల్గొంటారు.