KTR at German Investors Summit : రాష్ట్రంలో పరిశ్రమల ఏర్పాటుకు 2 లక్షల ఎకరాల స్థలం అందుబాటులో ఉందని.. వాటి ఏర్పాటుకు మౌలిక వసతులు కల్పిస్తామని ఐటీ, పరిశ్రమల శాఖ మంత్రి కేటీఆర్ వెల్లడించారు. హైదరాబాద్లో జర్మనీ పెట్టుబడిదారుల సదస్సుకు.. భారత్లో జర్మనీ రాయబారి వాల్టర్ జె.లిండ్నర్తో కలిసి కేటీఆర్ హాజరయ్యారు. ఏడున్నరేళ్లలో ముఖ్యమంత్రి కేసీఆర్ పాలనలో అనేక కార్యక్రమాలు చేపట్టామని మంత్రి పేర్కొన్నారు. ప్రాధాన్యతా క్రమంలో సమస్యలను పరిష్కరించామన్న కేటీఆర్.. మొదట విద్యుత్ సమస్యను పరిష్కరించామని చెప్పారు. అన్ని రంగాలకు 24 గంటలు విద్యుత్ సరఫరా చేస్తున్నామని తెలిపారు.
Minister KTR Latest News : "పరిశ్రమల ఏర్పాటుకు 2 లక్షల ఎకరాలు అందుబాటులో ఉంది. కావాల్సిన మౌలిక వసతులు కల్పిస్తాం. పరిశ్రమలకు సింగిల్ విండో విధానంలో అనుమతులు మంజూరు చేస్తాం. దరఖాస్తు చేసుకున్న 15 రోజుల్లోనే అనుమతులు ఇస్తున్నాం. పెట్టుబడులకు తెలంగాణలో అపార అవకాశాలు ఉన్నాయి."
-కేటీఆర్, ఐటీ, పరిశ్రమల శాఖ మంత్రి
పెట్టుబడులకు ఆహ్వానం
German Investors Summit : పరిశ్రమలకు సింగిల్ విండో విధానంలో.. దరఖాస్తు చేసుకున్న 15 రోజుల్లోనే అనుమతులు ఇస్తున్నామని కేటీఆర్ తెలిపారు. జర్మనీ పెట్టుబడిదారులకు తెలంగాణ ఆహ్వానం పలుకుతోందన్న మంత్రి.. రాష్ట్రంలో అపార అవకాశాలు ఉన్నాయని వివరించారు.
లైట్ ఆటో రూ.1500 కోట్ల పెట్టుబడి..
ఈ సందర్భంగా.. జర్మనీకి చెందిన ప్రముఖ ఆటోమోటివ్ కంపెనీ లైట్ఆటో.. రాష్ట్రంలో రూ.1500 కోట్ల పెట్టుబడితో భారీ పరిశ్రమ ఏర్పాటు చేయనున్నట్లు ప్రకటించింది. జహీరాబాద్లో నెలకొల్పనున్న ఈ పరిశ్రమ.. ఆటోమొబైల్ కంపెనీలకు కీలక ముడిపదార్థాలను ఉత్పత్తి చేసి సరఫరా చేస్తుంది. ఇందుకు సంబంధించి రాష్ట్ర ప్రభుత్వంతో లైట్ ఆటో ప్రతినిధులు అవగాహన ఒప్పందం కుదుర్చుకున్నారు. తద్వారా ప్రత్యక్షంగా 9 వేల మందికి, పరోక్షంగా 18 వేల మందికి ప్రత్యక్ష ఉపాధి కల్పిస్తామని లైట్ ఆటో కంపెనీ ఎండీ బాలా ఆనంద్ వెల్లడించారు.
ఇదీ చదవండి: Medak collector Press meet: 'అసైన్డ్ భూములను జమునా హేచరీస్ కబ్జా చేసింది నిజమే'
