బస్పాస్ కోసం కౌంటర్‌ వద్దకు వెళ్లకుండా ఇంటివద్దకే అందించే వినూత్న కార్యక్రమానికి గ్రేటర్ హైదరాబాద్ జోన్‌ శ్రీకారం చుట్టింది. 80082 04216 నంబరుకు ఫోను చేస్తే అపార్టుమెంట్‌, కాలనీ, మాల్‌, కార్యాలయం, కంపెనీ, పారిశ్రామిక వాడ ఇలా ఎక్కడున్నా.. మీకు అందించే బాధ్యత తమదని ఆర్టీసీ గ్రేటర్ హైదరాబాద్ జోన్‌ ఈడీ వెంకటేశ్వర్లు తెలిపారు. అయితే ఐదుగురికి తగ్గకుండా ఉండాలనే నిబంధనను పెట్టారు.
ఇందుకు మీరు అదనంగా ఒక్క రూపాయి ఇవ్వాల్సిన పని లేదని చెప్పారు. అలాగే నగరంలో 31 బస్సు పాస్ కేంద్రాలను కూడా ప్రయాణికులకు అందుబాటులో ఉంచింది. ఇవి ఉదయం 7.30 గంటల నుంచి రాత్రి 8.15 గంటల వరకూ పని చేస్తాయి.
ఇదీ చూడండి: గ్రేటర్ హైదరాబాద్లో నేటి నుంచి సీరో సర్వే
