సంస్కృతి, సంప్రదాయాలకు తెలంగాణ పెట్టింది పేరని రాష్ట్ర మంత్రి తలసాని శ్రీనివాస్ యాదవ్ అన్నారు. బతుకమ్మ పండుగ దేశ విదేశాల్లో ఎంతో గుర్తింపు పొందిందని తెలిపారు. పూలను పూజించే బతుకమ్మ పండుగను రాష్ట్ర మహిళలంతా సంతోషంగా జరుపుకోవాలని కోరారు.
హైదరాబాద్ సనత్నగర్ నియోజకవర్గ పరిధిలోని బన్సీలాల్పేట, వివేకానందనగర్ కమిటీలో బతుకమ్మ చీరల పంపిణీ కార్యక్రమంలో మంత్రి తలసాని పాల్గొన్నారు. అభివృద్ధిలో తెలంగాణ సర్కార్ ప్రణాళికాబద్ధంగా ముందుకెళ్తోందని తెలిపారు. ఈ కార్యక్రమంలో జోనల్ కమిషనర్ శ్రీనివాస్ రెడ్డి, కార్పొరేటర్లు హేమలత, అత్తిలి అరుణ గౌడ్, ఆకుల రూప, ఉప్పల తరుణి పాల్గొన్నారు.
