తరచూ వివాదాస్పద వ్యాఖ్యలు చేస్తున్నారన్న ఆరోపణలపై స్పందించాలని మజ్లిస్ ఎమ్మెల్యే అక్బరుద్దీన్కు హైకోర్టు నోటీసులు జారీ చేసింది.
వివాదాస్పద వ్యాఖ్యల కేసులో 2013లో నిజామాబాద్ కోర్టు అక్బరుద్దీన్కు షరతులతో కూడిన బెయిల్ మంజూరు చేసింది.
షరతులకు విరుద్ధంగా... అదే తరహాలో కరీంనగర్, బిహార్లో వివాదాస్పద వ్యాఖ్యలు చేశారని న్యాయవాది కరుణసాగర్ జిల్లా కోర్టులో పిటిషన్ వేశారు. షరతులు ఉల్లంఘించినందున అక్బరుద్దీన్ బెయిల్ రద్దు చేయాలని వ్యాజ్యంలో పేర్కొన్నారు.
ఎంపీలు, ఎమ్మెల్యేల కేసు విచారణలో ఆ పిటిషన్ను న్యాయస్థానం కొట్టివేసింది. దాన్ని సవాల్ చేస్తూ కరుణసాగర్ హైకోర్టులో అప్పీల్ దాఖలు చేశారు. విచారణకు స్వీకరించిన ఉన్నత న్యాయస్థానం అక్బరుద్దీన్, సీఐడీకి నోటీసులు జారీ చేసింది.
