బీఈడీ ప్రవేశాల కోసం నిర్వహించే ఎడ్సెట్ నోటిఫికేషన్ను ఉన్నత విద్యామండలి విడుదల చేసింది. ఈనెల 19 నుంచి జూన్ 15 వరకు ఆన్లైన్లో దరఖాస్తులు స్వీకరించనున్నారు. ఆగస్టు 24, 25 తేదీల్లో రోజుకు రెండు పూటలు ఎడ్సెట్ నిర్వహించనున్నారు.
ఈ ఏడాది అన్ని మెథడాలజీలకు ఒకే ప్రశ్న పత్రం ద్వారా ప్రవేశ పరీక్ష నిర్వహించాలని నిర్ణయించారు. రెండు గంటల్లో 150 ప్రశ్నాలకు సమాధానం రాయాల్సి ఉంటుంది. స్కూల్ సబ్జెక్టులకు 60, టీచింగ్ ఆప్టిట్యూడ్కు 20, జనరల్ ఇంగ్లీష్కు 20, జనరల్ నాలెడ్జ్, విద్యా సంబంధిత అంశాలకు 30, కంప్యూటర్ అవగాహనపై 20 మార్కులు ఉంటాయని కన్వీనర్ పేర్కొన్నారు. సిలబస్, నమూనా ప్రశ్నపత్రాల కోసం ఎడ్సెట్ వెబ్సైట్లో అందుబాటులో ఉంచుతామని కన్వీనర్ రామకృష్ణ తెలిపారు. ప్రవేశ పరీక్షలో ఆధారంగా, అర్హతల ప్రకారం వివిధ మేథడాలజీలకు దరఖాస్తు చేసుకోవాల్సి ఉంటుందని తెలిపారు.
ఇదీ చూడండి: జనసేన అధ్యక్షుడు పవన్ కల్యాణ్‌కు కరోనా పాజిటివ్‌
