Telangana Cabinet Meeting Concluded Today : తెలంగాణ ముఖ్యమంత్రి రేవంత్ రెడ్డి అధ్యక్షతన జరిగిన మంత్రివర్గ సమావేశం ముగిసింది. శుక్రవారం(రేపు) జరగబోయే గవర్నర్ ప్రసంగానికి మంత్రివర్గం ఆమోదం తెలింది. రేపు ఉభయ సభలను ఉద్దేశించి గవర్నర్ తమిళిసై సౌందరరాజన్(Telangana Governor Tamilisai) ప్రసంగం చేయనున్నారు. అయితే గవర్నర్ భేటీలో ఉండాల్సిన అంశాలపై కేబినెట్ భేటీలో చర్చించి నిర్ణయం తీసుకున్నారని సమాచారం. శాసనసభ ఎన్నికల్లో కాంగ్రెస్ పార్టీ గెలిచి ప్రభుత్వం ఏర్పాటైన తర్వాత తొలి ప్రసంగం కావడంతో ప్రజలకు ఎలాంటి సందేశం ఇవ్వాలనే దానిపైనే ఈ చర్చ జరిగింది. ఈ చర్చ సుమారు గంటన్నర పాటు జరిగినట్లు తెలుస్తోంది.
అయితే గవర్నర్ ప్రసంగంలో ప్రస్తుతం తెలంగాణ రాష్ట్రం పరిస్థితి ఎలా ఉంది, అసలు ఎలాంటి పరిస్థితులు ఉన్నాయి అనేది ఉండనున్నట్లు తెలుస్తోంది. కాగా రానున్న రోజుల్లో తెలంగాణ ఉండబోతోందనే అంశాలపై చర్చ జరిగినట్లు సమాచారం. ఎన్నికల హామీల్లో భాగంగా ప్రకటించిన ఆరు గ్యారెంటీలు(Congress Six Guarantees), కాంగ్రెస్ ప్రభుత్వం హామీలు ఉన్నాయి. అయితే వీటిలో ఇప్పటికే రెండు గ్యారెంటీలను అమలు చేశారు. ఇవి కాగా మిగిలిన నాలుగు గ్యారంటీలను ఎలా అమలు చేయాలో మంత్రివర్గంలో చర్చించినట్లు సమాచారం. ఈ సమావేశం అనంతరం రేపు గవర్నర్ ప్రసంగాన్ని మంత్రివర్గం తీర్మానం చేసింది. ఇంకా మంత్రివర్గంలో తీసుకున్న నిర్ణయాలపై పూర్తి సమాచారం తెలియాల్సి ఉంది.
బాధ్యతలు స్వీకరించిన ఆరుగురు మంత్రులు - పలు శాఖలకు నిధుల విడుదల
Telangana Assembly Speaker Gaddam Prasad Kumar : శాసనసభ ప్రారంభం కావడంతో అసెంబ్లీ హాలులోని శాసనసభ్యులు అందరూ కొత్తగా శాసనసభాపతిగా ఎన్నికైన గడ్డం ప్రసాద్ కుమార్కు శుభాకాంక్షలు తెలిపారు. ఈనెల 9వ తేదీన ప్రమాణస్వీకారం చేయగా మిగిలిన సభ్యులతో ఆయన ఎమ్మెల్యేలుగా ప్రమాణస్వీకారం చేయించారు. బీజేపీ ఎమ్మెల్యేలు 8 మంది కూడా ఈరోజే ప్రమాణం చేశారు. అంతకు ముందుకు ప్రొటెం స్పీకర్గా ఉన్న అక్బరుద్దీన్ ఒవైసీ శాసనసభాపతిగా గడ్డం ప్రసాద్ కుమార్(Telangana Speaker Gaddem Prasad Kumar)ను ప్రకటించారు. ఆ తర్వాత ఆయనను ఛైర్మన్ కుర్చీ దగ్గరకు సీఎం రేవంత్ రెడ్డి, ఉప ముఖ్యమంత్రి భట్టి విక్రమార్క తీసుకొని వెళ్లి కూర్చోబెట్టి, శుభాకాంక్షలు తెలిపారు. అన్ని పార్టీల ఎమ్మెల్యేలు అందరూ గడ్డం ప్రసాద్ కుమార్ను ఏకగ్రీవంగా శాసనసభ స్పీకర్గా ఎన్నుకున్నారు.
తెలంగాణ అసెంబ్లీ స్పీకర్గా గడ్డం ప్రసాద్ ఏకగ్రీవ ఎన్నిక - సభ్యుల అభినందనలు
మంత్రిమండలి విస్తరణ, ఇతర కీలక పదవుల ఎంపికపై కసరత్తు - దిల్లీ వెళ్లే యోచనలో సీఎం!
