అల్వాల్ పోలీస్ స్టేషన్ పరిధిలోని భూదేవి నగర్లోని రైల్వే ట్రాక్ పక్కనే ఓ వ్యక్తి అనుమానాస్పద స్థితిలో మృతి చెందాడు. రైల్వే ట్రాక్ సమీపంలో ఉన్న కరెంటు స్తంభానికి ఉరి వేసుకొని ఆత్మహత్యకు పాల్పడినట్లు పోలీసులు భావిస్తున్నారు. ఆ వ్యక్తి ఎక్కడి నుంచి వచ్చాడనే కోణంలో పోలీసులు ఆరా తీస్తున్నారు.
రైల్వే పోలీసులు కేసు నమోదు చేసుకుని పోస్టుమార్టం నిమిత్తం మృతదేహాన్ని గాంధీ ఆస్పత్రికి తరలించారు. అతడి మరణానికి సంబంధించిన కారణాలను పోలీసులు విశ్లేషిస్తున్నారు. నిన్న రాత్రి సమయంలో ఈ ఘటన జరిగి ఉండవచ్చని పోలీసులు భావిస్తున్నారు. ఘటన స్థలానికి చేరుకున్న పోలీసులు మృతుడి ఆధారాలు సేకరించే పనిలో నిమగ్నమయ్యారు.
అనుమానాస్పద స్థితిలో వ్యక్తి మృతి
ఇవీ చూడండి: కరీంనగర్ మేయర్ అభ్యర్థిని ఖరారు చేసిన తెరాస
