జీహెచ్‌ఎంసీ పోలింగ్ సరళిని రాష్ట్ర ఎన్నికల కమిషన్‌ ఎప్పటికప్పుడు పరిశీలిస్తోంది. కార్యాలయం నుంచే అధికారులు వెబ్‌క్యాస్టింగ్‌ ద్వారా పర్యవేక్షిస్తున్నారు. మొత్తం 2,272 పోలింగ్ కేంద్రాల్లో వెబ్‌ క్యాస్టింగ్‌ ఏర్పాటు చేశారు. సున్నిత, అతి సున్నిత ప్రాంతాలపై ప్రధానంగా దృష్టి సారించారు. కొన్ని చోట్ల వీడియో రికార్డింగ్ కూడా చేయిస్తున్నారు. ఓటరు గుర్తింపు కోసం డివిజన్‌కు ఒకటి చొప్పున 150 పోలింగ్ కేంద్రాల్లో సాంకేతిక పరిజ్ఞానాన్ని వినియోగిస్తున్నారు.
మొబైల్ యాప్ ద్వారా ఫేసియల్ రికగ్నైజేషన్ విధానంలో ఓటర్ల గుర్తింపు ప్రక్రియ చేపట్టారు. కరోనావేళ భౌతికదూరాన్ని పాటించేలా అవసరమైన జాగ్రత్తలు తీసుకున్నారు.
ఇదీ చదవండి: కేపీహెచ్‌బీలో భాజపా, తెరాస వర్గీయుల మధ్య ఘర్షణ
