Srinivas Goud Election Affidavit Tampering Controversy Case Update : ఎన్నికల అఫిడవిట్‌ ట్యాంపరింగ్‌ వివాదం.. మంత్రి శ్రీనివాస్​గౌడ్​పై కేసు నమోదు

Srinivas Goud Election Affidavit Tampering Controversy Case Update : ప్రజాప్రతినిధుల కోర్టు ఆదేశాల మేరకు మంత్రి శ్రీనివాస్​గౌడ్​ సహా 11 మందిపై మహబూబ్​నగర్​ పోలీసులు కేసు నమోదు చేశారు. శ్రీనివాస్‌గౌడ్‌ ఎన్నికల అఫిడవిట్‌ టాంపరింగ్‌కు పాల్పడ్డారని ఆరోపిస్తూ ప్రజాప్రతినిధుల కోర్టులో పిటిషన్‌ దాఖలైన విషయం తెలిసిందే. పిటిషన్‌పై విచారణ చేసిన న్యాయస్థానం.. శ్రీనివాస్‌ గౌడ్‌, అధికారులపై కేసు నమోదు చేయాలని ఆదేశించింది. వారిపై మహబూబ్‌నగర్‌ పోలీసులు కేసు నమోదు చేయలేదని పిటిషనర్ మరోసారి కోర్టును ఆశ్రయించారు.

Srinivas Goud Election Affidavit Tampering Controversy Case Update : ఎన్నికల అఫిడవిడ్ టాంపరింగ్​ వివాదంలో మంత్రి శ్రీనివాస్​ గౌడ్ సహా కేంద్ర, రాష్ట్ర ఎన్నికల అధికారులపై మహబూబ్​నగర్ రెండో పట్టణ పోలీస్​ స్టేషన్​లో శుక్రవారం కేసు నమోదైంది. నాంపల్లి ప్రజాప్రతినిధుల కోర్టులో అదే ప్రాంతానికి చెందిన చలువగాలి రాఘవేందర్ రాజు నమోదు చేసిన ప్రైవేటు పిటిషన్​పై మహబూబ్​నగర్ మూడవ అదనపు జ్యుడీషియల్ ఫస్ట్ క్లాస్ మెజిస్ట్రేట్ న్యాయసలహా అందిన అనంతరం రెండో పట్టణ పోలీస్​ స్టేషన్​లో 21 సెక్షన్ల కింద కేసు నమోదు చేసినట్లు ఎఫ్ఐఆర్​​లో పేర్కొన్నారు. 241/2023 నంబర్​తో ఎఫ్ఐఆర్​ నమోదైంది. కోర్టు ఆదేశాల మేరకు కేసు నమోదు చేస్తునట్లు ఎఫ్.ఐ.ఆర్​లో పేర్కొన్నారు.

మంత్రి శ్రీనివాస్​గౌడ్తో పాటు 11 మంది సభ్యులు భారత ప్రధాన ఎన్నికల కమిషనర్ రాజీవ్ కుమార్, భారత ప్రధాన ఎన్నికల కమిషనర్ కార్యదర్శి సంజయ్ కుమార్, రాష్ట్ర ప్రధాన ఎన్నికల అధికారి శశాంక్ గోయల్, రాష్ట్ర ఆర్ధికశాఖ కార్యదర్శి రొనాల్డ్ రోస్, అప్పటి ఆర్డీఓ శ్రీనివాస్, ఐటీ బృంద సభ్యుడు వెంకటేష్ గౌడ్, డిప్యూటీ కలెక్టర్ పద్మశ్రీ, జిల్లా ఎన్నికల అధికారి వెంకట్రావు, న్యాయవాది రాజేంద్ర ప్రసాద్, విశ్రాంత ప్రభుత్వ ఉద్యోగి సుధాకర్​లపై కేసు నమోదు చేశారు. ఉద్దేశపూర్వకంగానే ఎన్నికల అఫిడవిడ్ టాంపరింగ్(Election Affidavit Tampering)​కు పాల్పడ్డారంటూ మహబూబ్ నగర్​కు చెందిన పిటిషనర్ రాఘవేంద్రరాజు నాంపల్లిలోని ప్రజాప్రతినిధుల న్యాయస్థానాన్ని ఆశ్రయించారు.

Election Affidavit Tampering Contraversy Case Update : ఈ నేపథ్యంలో మంత్రి శ్రీనివాస్ గౌడ్ తో సహా అప్పడు విధుల్లో ఉన్న ఎన్నికల అధికారులు, రెవెన్యూ అధికారులపై కేసు నమోదు చేసి విచారణ చేయాలని మహబూబ్ నగర్ రెండో పట్టణ ఎస్.హెచ్.ఓకు ఆదేశాలు ఇచ్చారు. ఆగస్టు 2న కోర్టు ఉత్తర్వులు పోలీసులకు చేరాయి. దీనిపై న్యాయసలహా తీసుకున్న అనంతరం శుక్రవారం కేసు నమోదైంది. మరోవైపు కేసు నమోదు చేయలేదని పిటిషనర్ శుక్రవారం తిరిగి నాంపల్లిలోని ప్రజాప్రతినిధుల కోర్టుకు ఫిర్యాదు చేశారు.

Election Affidavit Tampering Case Update : మహబూబ్​నగర్​ ఎమ్మెల్యేగా.. రాష్ట్ర మంత్రిగా ఉన్న శ్రీనివాస్​గౌడ్​ 2018లో ఎన్నికల అఫిడవిట్​ సమర్పించినప్పుడు తన​ ఆస్తులు, అప్పుల గురించి తప్పుడు సమాచారం అందించారని సీహెచ్​ రాఘవేంద్రరాజు హైకోర్టులో పిటిషన్​ వేశారు. ఎన్నికల అఫిడవిట్‌ను ఒకసారి రిటర్నింగ్‌ అధికారికి సమర్పించి.. మళ్లీ వెనక్కి తీసుకుని సవరించి అందజేశారని పేర్కొన్నారు. ఇది చట్టవిరుద్ధమని, ఆయన ఎన్నికను రద్దు చేయాలని ధర్మాసనాన్ని కోరారు.