ఆంధ్రప్రదేశ్ విజయనగరం జిల్లా కొత్తవలస మండలం మంగళపాలెంలోని శ్రీగురుదేవ ఛారిటబుల్ ట్రస్ట్ను త్రిదండి చినజీయర్ స్వామి సందర్శించారు. ట్రస్టు వ్యవస్థాపకుడు జగదీశ్ మాతృమూర్తి అలివేలు మంగతాయారమ్మ జ్ఞాపకార్థం నెలకొల్పిన గోశాలను.. అహోబిలం జీయర్స్వామితో కలసి ప్రారంభించారు. అనంతరం కృత్రిమ అవయవాల తయారీ కేంద్రాన్ని సందర్శించి, తయారీ విధానాన్ని తెలుసుకున్నారు. దివ్యాంగులకు కృత్రిమ అవయవాలు పంపిణీ చేసి, నిరుపేద వృద్ధులకు బియ్యం అందజేశారు.
ట్రస్టు నిర్వాహకులు జగదీశ్ చేస్తున్న సేవలు ప్రశంసించదగినవని చిన్నజీయర్ స్వామి పేర్కొన్నారు. ట్రస్ట్ సేవలకు.. పరిశ్రమలు, సంస్థలు ముందుకొచ్చి సహాయ అందించటం అభినందనీయమన్నారు. ట్రస్ట్ సేవా కార్యక్రమాలకు తన వంతు సహాయంగా రూ.10 లక్షల సాయం ప్రకటించారు.
ఇదీ చదవండి: సేవ మనిషి జీవితంలో భాగం కావాలి: చినజీయర్ స్వామి
