ఫోటోగ్రఫీ, వీడియోగ్రఫీలో రాణిస్తున్న ఈ 23 ఏళ్ల యువకుడి పేరు ఖాన్‌ తారీక్. పుట్టింది ముంబైలో. అక్కడే విద్యాభ్యాసం పూర్తి చేశాడు. చిన్ననాటి నుంచే ఫోటోగ్రఫీ, వీడియోగ్రఫీపై ఇష్టం ఉన్న థారీక్‌... పాఠశాల, కళాశాల్లో ఏ ఈవెంట్‌ జరిగినా.. వినూత్నంగా ఫోటోలు తీస్తూ అధ్యాపకుల మెప్పు కూడా పొందేవాడు.
చదువుల్లో చురుకుగా ఉండే తారీక్.. ఉద్యోగ బాట పట్టకుండా తనకిష్టమైన ఫోటోగ్రఫీనే కెరీర్‌గా ఎంచుకోవాలనుకున్నాడు. అందుకు పెద్దపెద్ద కెమెరాలు కొనాలంటే లక్షల్లోనే డబ్బులు కావాలి. కానీ డబ్బులు లేకున్నా వెనకడుగు వేయకుండా తన వద్ద ఉన్న చిన్న స్మార్ట్‌ఫోన్‌తోనే ఫోటోలు తీయడం ఆరంభించాడు. స్మార్ట్‌ఫోన్‌, చుట్టు ఉండే చిన్న పరికరాలతోనే ఎంతటి క్రియేటివిటీ ఫోటోలనైనా ఈజీగా తీయోవచ్చని నిరూపిస్తున్నాడీ యువకుడు.
చూడండి తన ఇంట్లోనే ఉన్న వస్తువులను తనదైన శైలిలో వినియోగించి ఎలా చిత్రాలు తీస్తున్నాడో. వీటితో తీసిన ఫోటోలను ఎడిటింగ్‌ చేసే నైపుణ్యం కలిగిన ఖాన్‌ తారీక్.. తక్కువ కాలంలోనే ది బెస్ట్‌ ఫోటోగ్రాఫర్‌గా ఎదిగాడు. ఫోటోగ్రఫీతో పాటు వీడియోగ్రఫీలోనూ రాణిస్తున్న యువకుడు.. తన నైపుణ్యాన్ని మరింత మందికి పంచాలనుకున్నాడు. దీనికోసం మొదట టిక్‌టాక్‌ బాట పట్టాడు. తర్వాత ఇన్‌స్టాగ్రామ్‌లో కోట్లాది మందికి చేరువయ్యాడు. తన ఫోటోల సమాచారాన్ని.. ఎలాంటి ఫోటోలు తీస్తున్నాననే అనే విషయాలను అక్కడ చెప్తుంటాడు.
క్రియేటివిటీ ఫోటో, వీడియోలతో టిక్‌టాక్‌, ఇన్‌స్టాగ్రామ్ స్టార్‌గా ఎదిగిన తారీక్.. క్రియేటివ్‌ ఫోటోలు, వీడియోలు తీసే తన షూటింగ్‌ ప్రక్రియ, ఎడిటింగ్‌కు విధానాన్ని అభిమానులకు పంచుతున్నాడు. ఎలాంటి ఫోటోలు ఎలా తీయాలి.. దానికి ఎలాంటి మెళకువలు పాటించాలనే అంశాలన్నింటిని అందులో షేర్‌ చేసుకుంటాడు.
ఇంతటి కళాత్మకంగా తీసిన ఫోటోలు, వీడియోలు ఎవరికి నచ్చకుండా ఉంటాయి చెప్పండి. తక్కువ కాలంలోనే జాతీయ స్థాయిలో గుర్తింపు పొందిన తారీక్..పలువురు సెలబ్రెటీలకు సైతం ఫోటోగ్రఫర్‌గా వ్యవహరిస్తాడు. ఓ వైపు ఫోటోగ్రఫీతో రాణిస్తున్న యువకుడు.. మరోవైపు యాక్టర్‌, మోడల్‌, ఫ్యాషన్‌ బ్లాగర్‌గానూ తన కెరీర్‌ను మలుచుకున్నాడు.
ఇవీ చూడండి:
- "ఛీ.. ఛీ.. ఏందిరా ఈ ఛండాలమూ..?" ఉద్యోగుల టాయిలెట్లో.. సీసీ కెమెరాలు!
- పెళ్లైన ఏడాది తర్వాత తెలిసింది.. "మొగుడు" ఒక అమ్మాయి అని!
- "గర్ల్ ఫ్రెండ్ బ్యాగులో.. గబ్బు పని" రూ.15 లక్షలు ఫైన్ వేసిన జడ్జి..!
- అక్కడ రాళ్లు నడుస్తాయి.. పరిగెడతాయి..!!
- మనుషులకు తోకలు మొలుస్తున్నాయ్.. ఇట్స్ ట్రూ యార్..!
- ఫైవ్ స్టార్ హోటల్లో పందుల పెంపకం.. ఇదేందయ్యా ఇదీ..!?
