సికింద్రాబాద్‌ రైల్వే స్టేషన్‌లో శిశువుకు పాలు ఇచ్చేందుకు ప్రత్యేక గది, చేనేత విక్రయ కేంద్రాన్ని ఏర్పాటు చేశారు. దక్షిణ మధ్య రైల్వే, రోటరీ క్లబ్ సహకారంతో ఏర్పాటు చేసిన ఈ నిర్మాణాలను సికింద్రాబాద్‌ డివిజన్‌ రైల్వే మేనేజర్‌ అభయ్‌ కుమార్‌ గుప్తా ప్రారంభించారు.
ప్లాట్‌ఫామ్ నెం.10 వద్ద శిశువుకు పాలు ఇచ్చే ప్రత్యేక గదిని, ప్లాట్‌ఫామ్ నెం.1 వద్ద పోచంపల్లి చేనేత విక్రయ కేంద్రాన్ని ఏర్పాటు చేశారు. ఈ కార్యక్రమంలో హైదరాబాద్‌ రోటరీ డిస్ట్రిక్ట్‌ గవర్నర్‌ ఎన్‌.వి.హనుమంత రావు, రోటరీ క్లబ్ సభ్యులు, తదితరులు పాల్గొన్నారు.
