పాలిటెక్నిక్ సీట్ల భర్తీ కోసం ప్రత్యేక విడత కౌన్సెలింగ్ నిర్వహించాలని సాంకేతిక విద్యా శాఖ నిర్ణయించింది. గతంలో కౌన్సెలింగ్కు హాజరుకాలేని వారి కోసం ఈనెల 8 నుంచి ప్రక్రియ నిర్వహించనున్నట్లు సాంకేతిక విద్యా శాఖ కమిషనర్ నవీన్ మిత్తల్ తెలిపారు. ఈనెల 8న ఆన్లైన్లో స్లాట్ బుక్ చేసుకొని, 9న ధ్రువపత్రాల పరిశీలనకు హాజరు కావాలని తెలిపారు.
ఈ నెల 9, 10న వెబ్ ఆప్షన్లు ఇవ్వాలి. ఈనెల 12న సీట్లు కేటాయిస్తారు. ఈనెల 12 నుంచి 14న ఆన్లైన్లో సెల్ఫ్ రిపోర్టింగ్ చేసి కాలేజీల్లో చేరాలి. ప్రైవేట్ కళాశాలల్లో తక్షణ ప్రవేశాల కోసం ఈనెల 13న మార్గదర్శకాలు జారీ చేసి.. 20వ తేదీ వరకు ప్రక్రియ పూర్తి చేస్తారు. ఇప్పటి వరకు జరిగిన రెండు విడతల కౌన్సెలింగ్లో రాష్ట్రవ్యాప్తంగా 132 కళాశాలల్లో 21 వేల 590 సీట్లు కేటాయించగా, మరో 10 వేల 2020 సీట్లు మిగిలాయి.
