పాఠశాల భవనం పైనుంచి దూకిన విద్యార్థి... మృతి

టీచర్ మందలించిందని గత నెల 29వ తేదీన పాఠశాల భవనంపై నుంచి దూకి చికిత్స పొందుతున్న 8వ తరగతి విద్యార్థి ఈ రోజు తెల్లవారుజామున మృతి చెందాడు.

పాఠశాల టీచర్ తిట్టిందని మనస్తాపం చెంది గత నెలలో ఓ ప్రైవేట్ స్కూల్​ భవనం పైనుంచి దూకిన విద్యార్థి మహేశ్ ఈ రోజు తెల్లవారుజామున మృతి చెందాడు. జయప్రకాష్ నగర్​కు చెందిన మహేశ్ 8వ తరగతి చదువుతున్నాడు. గత నెల 29వ తేదీన అదే స్కూల్​ భవనం పైనుంచి కిందపడ్డాడు. టీసీ ఇచ్చి పంపిస్తానని టీచర్​ అనడం వల్లే భయపడి భవనం పైనుంచి దూకి ఆత్మహత్యకు పాల్పడ్డాడని కుటుంబ సభ్యులు ఆరోపిస్తున్నారు. తల్లిదండ్రుల ఫిర్యాదుతో మేరకు పోలీసులు కేసు దర్యాప్తు చేస్తున్నారు. అయితే.. ప్రమాదవశాత్తు కాలిజారి కింద పడ్డాడని స్కూలు యాజమాన్యం చెబుతోంది.

ఇదీ చూడండి: డీఐజీనంటూ బురిడీ... ఎన్నోరోజులు సాగలేదీ గారడీ