మూడు రోజుల పాటు రవీంద్రభారతిలో సంగీత నృత్యోత్సవం

తెలంగాణ రాష్ట్రంలోని గ్రామీణ ప్రాంతాల్లో ఉన్న కళాకారులను వెలికి తీసేందుకు సంగీత నృత్యోత్సవాన్ని నిర్వహిస్తున్నట్లు తెలంగాణ సంగీత నాటక అకాడమీ ఛైర్మన్ బాద్మి శివకుమార్ పేర్కొన్నారు.

ఈ నెల 29 నుంచి 31 వరకు మూడు రోజుల పాటు రవీంద్రభారతిలో సంగీత నృత్యోత్సవం నిర్వహించనున్నట్లు తెలంగాణ సంగీత నాటక అకాడమీ ఛైర్మన్ బాద్మి శివకుమార్ తెలిపారు. ఈ కార్యక్రమాన్ని మంత్రి శ్రీనివాస్ గౌడ్ ప్రారంభించనున్నట్లు వెల్లడించారు.

మూడు రోజుల పాటు నిర్విరామంగా సాగనున్న ఈ సంగీత నృత్యోత్సవంలో కొత్త వారికి ఎక్కువ అవకాశాలు కల్పిస్తామని తెలిపారు. ఈ కార్యక్రమానికి స్వర సామ్రాట్ శరత్ చంద్ర సంగీత సహకారం అందించి అలరించనున్నారని తెలిపారు.

ఇదీ చూడండి: సౌదీలో కేరళ నర్సుకు సోకిన కరోనా వైరస్​