హైదారాబాద్ రెయిన్బో పిల్లల ఆస్పత్రిలో సిబ్బందిపై ఓ పేషంట్ తరఫు బంధువులు దాడి చేసిన ఘటన ఆలస్యంగా వెలుగులోకి వచ్చింది. ఈ నెల 14న జరిగిన ఈ దాడికి సంబంధించి.. పోలీసులు ఇప్పటికే నలుగురిని అరెస్ట్ చేశారు. డెంగ్యూ జ్వరంతో ఈ నెల మొదటి వారంలో ఆస్పత్రికి చేరిన ఏడేళ్ల చిన్నారికి వైద్యులు చికిత్స చేసి కాపాడారు. దాదాపు గత పది రోజులుగా చిన్నారి ఆస్పత్రిలో ఉంటోంది. ఈ నేపథ్యంలో బాలికను చూసేందుకు రాత్రి పూట ఆస్పత్రికి వచ్చిన బంధువులు ఆస్పత్రి లిఫ్ట్లో మొదట తమను పంపించాలని డిమాండ్ చేశారు.
బెదిరింపులు
ఐసీయూకి అత్యవసరంగా పంపాల్సిన మందులు ట్రాలీలో ఉన్నాయని... అందువల్ల ముందుగా ట్రాలీని పంపుతున్నట్లు వివరణ ఇచ్చినా... వినకుండా విధుల్లో ఉన్న అధికారులపై దాడి చేశారు. అడ్డుకోబోయిన వారిని బెదిరింపులకు గురిచేసినట్టు ఆస్పత్రి ఓ ప్రకటనతో పాటు సంబంధిత ఫుటేజ్ను విడుదల చేసింది.
ఇదీ చూడండి: కశ్మీర్: ఐదు జిల్లాల్లో అంతర్జాల సేవల పునరుద్ధరణ
