TSRTC Single Day Income: తెలంగాణ ఆర్టీసీకి సోమవారం కాసుల పంట పండింది. గడిచిన మూడు నెలల్లో మునుపెన్నడూ రానంతటి ఆదాయం సమకూరింది. సోమవారం ఒక్క రోజే రూ.15.59 కోట్ల ఆదాయం టికెట్ల రూపంలో లభించింది. ఆక్యుపెన్సీ కూడా రికార్డు స్థాయిలో 85.10 శాతం నమోదు అయింది.
ఇటీవల కాలంలో ఇంత పెద్ద మొత్తం నమోదు అయిన దాఖలాలు లేవని అధికారులు చెబుతున్నారు. 34.69 లక్షల కిలోమీటర్ల మేర బస్సులను నడిపారు. 34.17 లక్షల మంది ప్రయాణికులను వివిధ గమ్యస్థానాలకు చేర్చారు. సోమవారం రూ.13.64 కోట్లు ఆర్జించాలని అధికారులు లక్ష్యంగా పెట్టుకుంటే అదనంగా మరో రూ.1.95 కోట్లు వసూలు అయింది. కరోనా తరవాత ఇంత పెద్ద మొత్తంలో వసూలు కావడం ఇది రెండో సారి.
