రెండు నెలల్లోనే రూ.575 కోట్ల ఆస్తి పన్ను వసూలు

జీహెచ్​ఎంసీ పరిధిలో రికార్డు స్థాయిలో ఆస్తి పన్ను వసూలైంది. 2020-21 సంవత్సరానికి గాను రూ.575 కోట్ల ఆస్తి పన్ను రాబడిగా వచ్చింది. అయితే మే నెల 31లోపు ఈ పన్ను చెల్లించే వారికి ఎర్లీబర్డ్​ పథకాన్ని ప్రవేశపెట్టారు. ఫలితంగా కేవలం రెండు నెలల్లోనే రూ. 575 కోట్లు వసూలు అయింది.

కరోనా నేపథ్యంలో కూడా గ్రేటర్‌ హైదరాబాద్‌లో రికార్డు స్థాయిలో ఆస్తి పన్ను వసూలైంది. మే నెల 31 లోపు ఆస్తి పన్ను చెల్లించిన వారికి రాయితీ కింద ఎర్లీబర్డ్​ పథకాన్ని జీహెచ్​ఎంసీ ప్రకటించింది. 2020-21 ఏడాదికి ఈ పథకం కింద రూ. 575 కోట్ల ఆస్తి పన్ను వసూలైంది.

గతేడాది 2019-20కి గాను రూ. 574.88 కోట్ల ఆస్తి పన్ను రాబడి రాగా.. కేవలం రెండు నెలల్లోనే రూ. 575 కోట్లు వసూలు కావడం పట్ల అధికారులు హర్షం వ్యక్తం చేస్తున్నారు.

ఇవీ చూడండి: సోమవారం నుంచి మరో 200 ప్రత్యేక రైళ్లు