ఎమ్మెల్యే రాజాసింగ్​కు సంబంధించి వీగిపోయిన మరో కేసు

గోషామహల్​ ఎమ్మెల్యే రాజాసింగ్​కు సంబంధించిన ఓ కేసు ప్రజా ప్రతినిధుల ప్రత్యేక న్యాయస్థానంలో వీగిపోయింది. వేర్వేరు కేసుల్లో పలువురు ప్రజా ప్రతినిధులు ఇవాళ కోర్టుకు హాజరయ్యారు.

గోషామహల్ శాసనసభ్యుడు తిరంగ యాత్రకు సంబంధించిన మరో కేసు వీగిపోయింది. స్వాతంత్య్ర దినోత్సవాన అనుమతి లేకుండా తిరంగ యాత్ర నిర్వహించారన్న అభియోగంపై షాఇనాయత్ గంజ్ పోలీస్ స్టేషన్​లో 2018లో నమోదైన కేసును ప్రజా ప్రతినిధుల ప్రత్యేక న్యాయస్థానం కొట్టివేసింది.

వేర్వేరు కేసుల్లో ఇవాళ రేవంత్ రెడ్డి, కోమటిరెడ్డి వెంకటరెడ్డి, చిరుమర్తి లింగయ్య, సంపత్ కుమార్, తదితర నేతలు కోర్టుకు హాజరయ్యారు. కాచిగూడ పోలీస్ స్టేషన్​లో ఎన్నికల నియమావళి ఉల్లంఘన కేసులో విచారణకు హాజరుకావాలని అంబర్ పేట శాసనసభ్యుడు కాలేరు వెంకటేష్​కు న్యాయస్థానం సమన్లు జారీ చేసింది.

ఇదీ చదవండి: యూనివర్సిటీ భూముల్లో రోడ్డు ఎలా నిర్మిస్తారు: హైకోర్టు