రాగల రెండు రోజులు తేలికపాటి నుంచి మోస్తరు వర్షాలు

రాగల రెండు రోజులు తేలికపాటి నుంచి మోస్తరు వర్షాలు కురిసే అవకాశం ఉందని హైదరాబాద్​ వాతావరణ కేంద్రం వెల్లడించింది. బుధవారం ఒకటి రెండు చోట్ల భారీ వర్షాలు కురువొచ్చని చెప్పింది.

రాష్ట్రంలో రేపు, ఎల్లుండి తేలికపాటి నుంచి మోస్తారు వర్షాలు కురిసే అవకాశం ఉందని హైదరాబాద్​ వాతావరణ కేంద్రం తెలిపింది. బుధవారం ఆదిలాబాద్‌, నిర్మల్‌, కుమురంభీం ఆసిఫాబాద్, జగిత్యాల, నిజామాబాద్, కామారెడ్డి, రాజన్న సిరిసిల్ల, సంగారెడ్డి, మెదక్, సిద్దిపేట, మేడ్చల్ మల్కాజిగిరి, హైదరాబాద్, రంగారెడ్డి, యాదాద్రి భువనగిరి, నారాయణపేట, మహబూబ్​నగర్, వనపర్తి, నగర్​కర్నూల్, జోగులాంబ గద్వాల్, వికారాబాద్​ జిల్లాలలో ఒకటి రెండు చోట్ల భారీ వర్షాలు కురిసే అవకాశం ఉందని వాతావరణ కేంద్రం సంచాలకులు విడుదల చేసిన ప్రకటనలో వివరించారు.

ఇదీ చూడండి : గాంధీ భవన్​కు కరోనా ఎఫెక్ట్.. వారం పాటు మూసివేత