రాష్ట్రంలో రేపు, ఎల్లుండి ఒకట్రెండు చోట్ల భారీ వర్షాలు కురిసే అవకాశం ఉందని హైదరాబాద్ వాతావరణ కేంద్రం వెల్లడించింది. రేపు తేలికపాటి నుంచి ఒక మోస్తారు వర్షాలు చాలా చోట్ల కురిస్తాయని వాతావరణ శాఖ సంచాలకులు విడుదల చేసిన ప్రకటనలో పేర్కొన్నారు.
ఈ రోజు ఆదిలాబాద్, కుమురంభీం ఆసిఫాబాద్, నిర్మల్, మంచిర్యాల, నిజామాబాద్, కామారెడ్డి, జగిత్యాల, పెద్దపల్లి, రాజన్నసిరిసిల్ల, కరీంనగర్, జయశంకర్ భూపాలపల్లి, ములుగు, వరంగల్-పట్టణ, వరంగల్-గ్రామీణ, భద్రాద్రి కొత్తగూడెం జిల్లాల్లో ఒకట్రెండు ప్రాంతాల్లో భారీ నుంచి అతి భారీ వర్షాలు కురిసే అవకాశం ఉందని సంచాలకులు వివరించారు.
ఇవీ చూడండి: పేరుకే రైతు బీమాలు.. క్షేత్రస్థాయిలో అందని సాయాలు..
