అభ్యర్థులెవరూ కౌంటింగ్​ కేంద్రాలు దాటి బయటకు రావొద్దు - రాహుల్​ గాంధీ కీలక ఆదేశాలు

Rahul Gandhi Virtual Meeting with Telangana Congress Leaders : రేపు ఓట్ల లెక్కింపు నేపథ్యంలో ఏఐసీసీ ముందుస్తుగా అప్రమత్తం అయ్యింది. గత అనుభవాలను దృష్టిలో ఉంచుకుని పక్కా ప్రణాళికతో ముందుకెళ్తోంది. రాష్ట్ర కీలక నేతలతో రాహుల్ గాంధీ వర్చువల్​గా సమావేశమయ్యారు. అభ్యర్థులు కౌంటింగ్ కేంద్రాలు దాటి రావద్దని సూచించారు. పరిశీలకులు కూడా కేటాయించిన కౌంటింగ్ కేంద్రాల వద్దనే ఉండాలని ఆదేశించారు.

Rahul Gandhi Virtual Meeting with Telangana Congress Leaders : కాంగ్రెస్​కు సానుకూలంగా ఎగ్జిట్ పోల్ ఫలితాలు ఉన్నప్పటికీ రాష్ట్ర ఫలితాలపై ఏఐసీసీ అప్రమత్తమైంది. ముందస్తు చర్యల్లో భాగంగా రాష్ట్ర కాంగ్రెస్(Congress Party) ముఖ్య నేతలతో రాహుల్ వర్చువల్‌ సమావేశం నిర్వహించారు. రేపటి ఫలితాల దృష్ట్యా తాజా పరిణామాలపై చర్చించారు. రాష్ట్ర కాంగ్రెస్‌ ఇంఛార్జ్‌ ఠాక్రే, రేవంత్ రెడ్డి, ఉత్తమ్ కుమార్‌రెడ్డి, భట్టి విక్రమార్క, కోమటిరెడ్డి రాజగోపాల్‌రెడ్డి, మధు యాష్కీ, తదితరులు ఈ సమావేశంలో పాల్గొన్నారు.

Telangana Election Results 2023 : కౌంటింగ్ కేంద్రాలు దాటి రావద్దని అభ్యర్థులకు ఏఐసీసీ ఆదేశించింది. పరిశీలకులు కూడా కేటాయించిన కౌంటింగ్ కేంద్రాల వద్దనే ఉండాలని సూచించింది. పోటీలో నిలిచిన అభ్యర్థులను హైదరాబాద్ తాజ్‌ కృష్ణాకు రప్పించాలని ముందుగా భావించినా అనంతరం ప్రణాళిక మార్చుకున్నారు. అయితే రాత్రి 11.30 గంటలకు కర్ణాటక ఉపముఖ్యమంత్రి డీకే శివకుమార్ ఆ రాష్ట్ర మంత్రులు జార్జ్ , బోసురాజు పలువురు ఏఐసీసీ కార్యదర్శులు హైదరాబాద్ చేరుకోనున్నారు.

"తెలంగాణలో సంపూర్ణ మెజారిటీతో కాంగ్రెస్ పార్టీ అధికారంలోకి రాబోతుంది. మా అభ్యర్థులను బీఆర్ఎస్ పార్టీ ట్రాప్ చేస్తున్నారనే సమాచారం మాకు అందింది. అటువంటి చర్యలను తిప్పికోడుతాం". - డీకే శివకుమార్, కర్ణాటక ఉపముఖ్యమంత్రి