'తుపాకీ ఇలా పట్టాలి.. ఫైరింగ్ అలా చేయాలి'

యానువల్​ ఫైరింగ్​ సాధన కార్యక్రమంలో రాచకొండ సీపీ మహేశ్​ భగవత్​ పాల్గొన్నారు. పోలీసు సిబ్బంది పాల్గొని ఫైరింగ్​ రేంజ్​ను సాధన చేశారు. అకాడమీ చేసిన ఏర్పాట్లపై సీపీ హర్షం వ్యక్తం చేశారు.

ప్రతి ఏడాది నిర్వహించే వార్షిక ఫైరింగ్​ సాధన కార్యక్రమంలో రాచకొండ పోలీసులు పాల్గొన్నారు. సీపీ స్థాయి అధికారుల నుంచి కానిస్టేబుల్​ సిబ్బంది వరకూ... తెలంగాణ పోలీసు అకాడమీలోని ఫైరింగ్​ రేంజ్​ సాధన చేశారు. ఏకే 47, ఎం5, గ్లాక్​ పిస్తోల్​తో ప్రాక్టిస్​ చేశారు.

సాధన చేస్తున్న పోలీసులు

ఈ సాధనలో సీపీ మహేశ్ భగవత్​ కూడా పాల్గొన్నారు. ఎల్బీ నగర్, భువనగిరి క్రైమ్​ డీసీపీలు, పలువురు సిబ్బంది హాజరయ్యారు. సాధన చేసేందుకు వీలుగా అకాడమీ చేసిన ఏర్పాట్లపై... డైరెక్టర్​కు సీపీ కృతజ్ఞతలు తెలిపారు.

ఏర్పాట్లను పరిశీలిస్తున్న సీపీ

ఇదీ చూడండి: చిన్నారికి అరుదైన వ్యాధి.. సాయం కోసం క్రౌడ్​ ఫండింగ్​