నీటి కష్టాలు తొలగించాలంటూ ప్రగతినగర్​లో ర్యాలీ

కూకట్​పల్లి ప్రగతినగర్​లో నీటి ఎద్దడి నెలకొందంటూ కాలనీవాసులు ర్యాలీ చేపట్టి ఆందోళన వ్యక్తం చేశారు. గ్రామ అభివృద్ధి కమిటీ పేరుతో కొందరు వ్యక్తులు అక్రమాలకు పాల్పడుతున్నారని ఆరోపించారు.

హైదరాబాద్ కూకట్​పల్లి ప్రగతినగర్​లో నీటి కష్టాలు వర్ణణాతీతంగా ఉన్నాయంటూ కాలనీవాసులు ఆందోళన వ్యక్తం చేశారు. నీటి కష్టాలకు పరిష్కారం చూపాలంటూ నినాదాలు చేస్తూ ర్యాలీ నిర్వహించారు. గ్రామ అభివృద్ధి కమిటీ పేరుతో కొందరు అక్రమాలకు పాల్పడుతున్నారంటూ ఆరోపించారు. మంజీరా నుంచి వచ్చే నీరు సక్రమంగా రావడం లేదని అసహనం వ్యక్తం చేశారు. ఇంటి నల్ల కనెక్షన్లకు ఒక్కొక్క దానికి 55 వేల చొప్పున వసూలు చేస్తూ కనీసం తాగునీటి వసతిని అందించడం లేదని ఆవేదన వ్యక్తం చేశారు. అధికారులు ఇప్పటికైనా నీటి కష్టాలను పరిష్కరించాలని కోరారు.

ఇదీ చూడండి: 'నాలాల ఆక్రమణతోనే రోడ్లపై వర్షపునీరు'