భోలక్పూర్ పరిసర ప్రాంతాల ప్రజలు తప్పనిసరిగా లాక్డౌన్ నియమాలు పాటించాలని ముషీరాబాద్ ఇన్స్పెక్టర్ మురళికృష్ణ సూచించారు. రోజురోజుకు కరోనా కేసులు పెరుగుతున్న నేపథ్యంలో ముషీరాబాద్ నియోజకవర్గంలోని భోలక్పూర్ తదితర ప్రాంతాల్లో కఠిన నిబంధనలు అమలు చేయనున్నట్టు తెలిపారు.
భోలక్పూర్ డెవలప్మెంట్ వెల్ఫేర్ అసోసియేషన్ ఏర్పాటు చేసిన ఈ అవగాహన కార్యక్రమంలో లాక్డౌన్ నియమాలు పాటించకపోతే.. పరిస్థితి ఎలా ఉంటుందో.. ఎలాంటి చర్యలు తీసుకుంటారో ప్రజలకు, వ్యాపారస్తులకు అవగాహన కల్పించారు. భౌతికదూరం, మాస్కు ధరించడం, శానిటైజర్ వాడడం వంటి జాగ్రత్తలు తప్పనిసరిగా పాటించాల్సిందేనని పోలీసులు తెలిపారు. సామూహిక ప్రార్థనలు, విందులు, వేడుకలకు దూరంగా ఉండాలని భోలక్పూర్ డెవలప్మెంట్ వెల్ఫేర్ అసోసియేషన్ సభ్యులు ప్రజలను కోరారు.
ఇదీ చూడండి: విదేశీ యాప్లకు ప్రత్యామ్నాయంగా 'ఎలిమెంట్స్'
